პირველი ეტაპი: ათქვიფეთ კვერცხი. შეურიეთ მარილი და რძე. ჩაუმატეთ ფქვილი (მეტი სისქისთვის შეგიძლიათ ფქვილს ჯერ ერთი ჩაის კოვზი საჭმელი სოდა შეურიოთ). მოურიეთ და მიღებული ცომით გააკეთეთ ორი თანაბარი ზომის ბურთულა.
მეორე ეტაპი: ბურთულები გააბრტყელეთ და დადგით 20 წუთით. შემდეგ, დაჭერით ზოლებად და ერთმანეთს დააშორეთ უკეთ გასაშრობად (შეგიძლიათ მოაყაროთ ცოტაოდენი ფქვილიც). დაახლოებით 2 საათით დატოვეთ გამოსაშრობად.
მესამე ეტაპი: როდესაც ცეცხლზე შემდგარი წყალი თუ წვნიანი* კარგად გაცხელდება (დუღილის პირამდე), ჩაყარეთ მასში ცომის ზოლები და მაქსიმუმ 10 წუთში თქვენი ატრია მზად იქნება. გემრიელად მიირთვით!
*კომენტარი გამოიყენეთ ატრია უგემრიელესი წვნიანი კერძების მოსამზადებლად მთელი თქვენი ოჯახისთვის!
