"ანტიკა" ბებია, რომელმაც სარძლო დაიწუნა - 10 ოქტომბერში 2012 - საიტები

თქვენ შემოხვედით როგორც სტუმარი | კონტაქტი skype: amiko19981

გაერთე ჩვენთან ერთად!

საიტის მენიუ
კატეგორიები
შესვლის ფორმა
სტატისტიკა

სულ ონლაინში: 1
სტუმარი: 1
მომხმარებელი: 0

www.wsa.ge

მთავარი » 2012 » ოქტომბერი » 10 » "ანტიკა" ბებია, რომელმაც სარძლო დაიწუნა
15:21
"ანტიკა" ბებია, რომელმაც სარძლო დაიწუნა

1 წელი "მკერა" ჩემმა თაყვანისმცემელმა, სატანასავით შემომიძვრა და სანამ თავი არ შემაყვარა, მანამ არ დაადგა საშველი. სერიოზულად რომ გადავწყვიტეთ ურთიერთობა, ბებიამისმა შემომითვალა, - ჩემს შვილიშვილს გამხდარი გოგო არ შეეფერება, ჯანიანი ქალი უნდა, სოფლის საქმეს თავი რომ გაართვასო. შევყარე ოფოფები და ნიკას ვუთხარი, - ბებიაშენი დააწყნარე, თორემ მე თუ დავაწყნარე, ძვირი დაუჯდება-მეთქი. ოჰ, ეწყინა ბატონიშვილს და ლექციების კითხვა რომ დამიწყო, ვუთხარი, - ასე თუ გიყვარვარ, ბინა მიყიდე-მეთქი (ცნობისთვის, ამის საშუალება ჰქონდა). ამაზე ბებიამისმა ხელები გაასავსავა, - ეგ კარგი გოგო არ იქნება, ახლავე რამდენს ბედავსო...

დედამთილისგან წიხლს აიტან, მაგრამ დედამთილის დედამთილისგან რავარი ასატანია, გეკითხებით. იმის მერე გული ამიცრუვდა ნიკას "ანტიკა" ბებიაზე და ძალიანაც რომ მნდომოდა, ცოლად ვეღარ გავყვებოდი და მასთან ურთიერთობის გაწყვეტა მოვინდომე. ახლა ამაზე ამიშარდა ქალბატონი და მისი შვილიშვილის წონის დაკლებასა და ზეზეურად ჩამოხმობაში დამდო ბრალი და ნიკასთან ამის შესახებ წყენა რომ გამოვთქვი, კინაღამ გადაირია, - რას ჰქვია, გეწყინა, მოხუციაო და კარგა ხანს ხმას აღარ მცემდა. ბოლოს ისევ მომიცუცქდა და მთხოვა, ბებიაჩემის ლაპარაკს ყურადღებას ნუ მიაქცევ, რა ქნას, კარგი უნდა ჩემთვისო...

ჰმ, რა გამოდის ახლა? ე.ი. ჩემთვის შეურაცხყოფა უნდა მოეყენებინა, გული ეტკინა და მეც ანალოგიურად რომ მეპასუხა, ამას ვინ დაეძებს, აღარც უნდა მწყენოდა თურმე. არაა ახლა ეს უსამართლობა? ასეა, ყველა დაბალ ღობეზე ხტება და თუ არ გინდა, სულ გადაგთელონ, უნდა გაეცალო. ტილს რომ ფეხზე დაისვამ, ისიც უნდა იცოდე, რომ თავზე აგაცოცდება და ამიტომაც გავისტუმრე ბებია და შვილიშვილი ჯანდაბაში.



 


მიმაგრება:
ნანახია: 160 | დაამატა: happy | რეიტინგი: 0.0/0
სულ კომენტარები: 0
სახელი *:
Email *:
კოდი *:
ძებნა
კალენდარი
«  ოქტომბერი 2012  »
ორსამოთხხუთპარშაბკვ
1234567
891011121314
15161718192021
22232425262728
293031
უფასო sMs


გამოკითხვა
რომელ ოპერაციულ სისტემას იყენებთ ?
სულ პასუხი: 130