მთავარი » 2012 » ოქტომბერი » 16 » საძინებლის ფერი თქვენს სექსუალურ ცხოვრებას განსაზღვრავს
20:34
საძინებლის ფერი თქვენს სექსუალურ ცხოვრებას განსაზღვრავს
ინტიმური კონტაქტების სიხშირე მხოლოდ ადამიანის ტემპერამენტზე არ არის დამოკიდებული. ბოლო დროს ჩატარებულმა გამოკითხვამ ცხადყო, რომ საძინებლის ფერი სქესობრივ ცხოვრებაზე საგრძნობლად მოქმედებს.
2000 ზრდასრულ ადამიანს შორის ჩატარებულმა გამოკითხვამ დაადასტურა, რომ მათ, ვინც იისფერი და წითელი აირჩია საძინებლისთვის, ხშირად აქვს სექსი. ამ ადამიანების სქესობრივი ცხოვრების სიხშირე კვირაში 3,49 და 3,18-ს შეადგენს.
ცისფერი და ვარდისფერი თურმე ინტიმურ სიახლოვეს აქვეითებს და კვირაში 3,14-სა და 3,02-მდე დაჰყავს. კიდევ უფრო იშვიათად აქვთ სექსი შავი საძინებლის მოყვარულებს - მათი სქესობრივი ცხოვრების სიხშირე შეადგენს 2,99-ს; ლურჯის - 2,76-ს; ყვითლის - 2,43-ს; ნარინჯისფერის - 2,36-ს; ყავისფერის – 2,10-ს და თეთრის – 2,02-ს.
ყველაზე დაბალი მაჩვენებელი აქვთ კრემისფერს, მწვანეს და რუხი ფერის საძინებლის პატრონებს - კვირაში 1,97; 1,89; 1,8-ჯერ - წერს The Daily Mail.
სექსუალურ ცხოვრებაზე ასევე მოქმედებს ლოგინის თეთრეულის ქსოვილის ხარისხი. ყველაზე აქტიური სქესობრივი ცხოვრება აქვს მათ, ვინც აბრეშუმის თეთრეულში წევს (4,35-ჯერ კვირაში). კვირაში 2,72-ია მაჩვენებელი მათთვის, ვინც ბამბის თეთრეულს ანიჭებს უპირატესობას, 2,35 - ნეილონის მოყვარულთათვის, 2,33 - პოლიესტერინის.
ფუმფულა პლედი საძინებელში იმაზე მიანიშნებს, რომ სექსი აქ კვირაში მხოლოდ 1,8-ჯერ ხდება.
