მთავარი » 2012 » ოქტომბერი » 17 » სეზონის ყველაზე მდიდრული და კომფორტული ავტომობილი ქალბატონებისთვის (+ფოტო)
21:12
სეზონის ყველაზე მდიდრული და კომფორტული ავტომობილი ქალბატონებისთვის (+ფოტო)
"სტილის ღმერთის" სტატუსი ამ ავტომ ნიუ იორკის Fashion Week-ზე გამართულ Mercedes-Benz-ის მიერ ახალი მარკის პრეზენტაციაზე მოიპოვა. კამპანია მოდის ინდუსტრიის ყველა წესით გაიმართა: მასში მონაწილეობდა მსოფლიოს ცნობილი ტოპ-მოდელი ლარა სტოუნი, მისი ავტორი გახლდათ სახელგანთქმული ფოტოგრაფი ალექს პრაგერი, ჩვენების ადგილი - ლოს-ანჯელესის პეიზაჟები და ჰიჩკოკის ფილმებისეული სიუჟეტი.
"სპორტული და მსუბუქი" - სწორედ ასე იშიფრება აბრევიატურა SL - Sportlich und Leicht და ახალი მოდელი აბსოლუტურად ამართლებს სახელწოდებას. ახალი, მეექვსე თაობის მოდელის კორპუსი, პრაქტიკულად, მთლიანად ალუმინისგან არის შექმნილი - მსგავსი ტექნოლოგიები ავიამშენებლობაში გამოიყენება. შედეგად SL, მიუხედავად გაზრდილი გაბარიტებისა, თავის წინამორბედზე ბევრად მსუბუქი გახდა (110 კილოგრამით). წარმოიდგინეთ, რომ მანქანიდან გადმოვიდა მძიმეწონიანი მოკრივე, რომელსაც სულ თან დაატარებდით.
გარდა სხვა მაღალტექნოლოგიური მოწყობილობებისა, SL-ის გონიერ საფირმო სისტემას, სახელწოდებით Pre-Safe Brake, დაჯახების რისკის შემთხვევაში შეუძლია, თავად აამოქმედოს მუხრუჭი და შეაჩეროს მანქანა. მეტიც: SL-ს შეუძლია, დაიცვას უსაფრთხო დისტანცია წინ მოსიარულე ავტომობილის მიმართ და დამოუკიდებლად გააჩეროს.
ძლიერი ძრავისა და წონის შემცირების ხარჯზე ახალი SL კიდევ უფრო სწრაფია, ვიდრე მისი წინამორბედი და მიუხედავად ამისა, ბევრად ნაკლებს წვავს.
კლასი, სტილი, მაქსიმალური კომფორტი და ფუფუნება - აი, რა არის ახალი Mercedes-Benz SL.
