პარიზში, მდინარე სენაზე თეთრი ხიდი აშენდება. კონსტრუქცია ერთგვარი ბატუტია, რომელიც სამი რგოლისგან შედგება. მსურველებს გასაბერ კონსტრუქციაზე გართობა და ხტუნვა შეეძლებათ.
როგორც პროექტის ორგანიზატორები აცხადებენ, კონსტრუქციის კონცეფციას საფუძვლად გართობა უდევს.
"პარიზში ბევრი ხიდია, მაგრამ ეს კონსტრუქცია ადამიანებს გართობის საშუალებას მისცემს. ჩვენი მიზანია, პარიზელებმა ცხოვრება გაიხალისონ", - აცხადებენ არქიტექტურული ფირმის AZC-ის წარმომადგენლები.
